श्री प. प. श्री वासुदेवानंद सरस्वती टेंबे स्वामी महाराज व श्री प. प. श्रीलोकनाथतीर्थ स्वामी महाराज स्मारक ट्रस्ट, पुणे
vasudev-niwas-home-page-banner

श्री वासुदेव निवास मध्ये आपले स्वागत आहे.

suvarnmahotsavlarge

गुरुतत्व हेच ईश्वरी तत्व आहे तसेच ते विश्व व्यापक आहे, त्याचे वर्णन ‘वासुदेवः सर्वम्’ असेच आहे या भुमिकेतून परमपूज्य योगीराज सदगुरू श्रीगुळवणी महाराजांनी सन १९६५ साली ‘श्रीवासुदेव निवास’ ची स्थापना ‘१२/४७, कर्वे पथ, एरंडवणे, पुणे’ येथे केली.

‘श्री वासुदेव निवास’  शक्तिपात योगविद्येचे आद्यपीठ आणि नित्य प्रकाशित दीपस्तंभ म्हणून जगभर विख्यात आहेच. तसेच प. पू. श्री महाराजांच्या मातोश्री सौ. उमाबाई यांना भगवान श्री दत्तात्रेयांच्या पादुका प्रसाद रूपाने प्राप्त झाल्या, त्याच ‘श्रीप्रसाद पादुका’ श्रीवासुदेव निवासमध्ये अधिष्ठित आहेत.

वेद, उपनिषदे, श्रीभगवतगीता आणि ग्रंथराज श्री ज्ञानेश्वरी मध्ये ‘पंथराज’ म्हणून गौरविलेल्या कुंडलिनी शक्तिपात महायोगाचा वैश्विक प्रसार आणि भक्ती, उपासनेच्या प्रकाशात लाखो भक्तांचे जीवन उजळविण्याचे कार्य गेली पन्नासहून अधिक वर्षे श्री वासुदेव निवास करत आहे.  

संस्थापक योगीराज प. पू. श्रीगुळवणी महाराज, त्यांनंतर ब्रह्मश्री प. पू. श्रीदत्तमहाराज कवीश्वर, योगतपस्वी प.पू.  श्रीनारायणकाका ढेकणे महाराज आणि विद्यमान प्रधान विश्वस्त श्री शरदभाऊ जोशी महाराज यांच्या प्रासादिक नेतृत्वाखाली, मार्गदर्शनाखाली ‘श्री वासुदेव निवास’ कुंडलिनी शक्तिपात महायोग आणि श्रीदत्तात्रेय उपासना मार्गातील दीपस्तंभ म्हणून अखंड कार्य करीत आहे, कार्याचा विश्वात्मक विस्तार होत आहे.

शक्तिपात महायोग, भक्ती आणि उपासना यांचा अपूर्व संगम असलेले मूळपीठ

उपासना आणि भक्ती
swami-vasudevanand-saraswati

योजीराज प. पू. श्रीगुळवणी महाराजांच्या  घराण्यात अनेक पिढ्यांची श्रीदत्तात्रेय उपासना होती. दत्तावतार परमहंस परिव्राजकाचार्य श्रीवासुदेवानंद सरस्वती टेंबे स्वामी महाराजांंनी श्रीगुळवणी महाराजांना मंत्रोपदेश केला, स्वतःमध्ये श्री दत्तप्रभूंचे दर्शन घडविले. पुढे श्रीगुळवणी महाराजांनी घराण्यातील श्रीदत्तात्रेय उपासनेचा वारसा अधिक वृद्धींगत केला. हाच वारसा श्रीवासुदेव निवास पुढे चालवीत आहे.

कुंडलिनी शक्तिपात महायोग

परमहंस परिव्राजकाचार्य श्रीलोकनाथतीर्थ स्वामी महाराजांनी शक्तिपात कुंडलिनी महायोगाची धारा महाराष्ट्राच्या भूमीत योगीराज श्रीगुळवणी महाराजांच्या रुपाने प्रवाहित केली. श्रीवासुदेव निवास मध्ये हा गंगौघ अधिक व्यापक झाला. सर्वात प्राचीन, सुलभ आणि अलौकिक आनंदाची अनुभूती देणारी ही साधनगंगा तीत सुस्नात होणाऱ्या प्रत्येकाला पावन करते. श्री वासुदेव निवास शक्तिपात महायोगाचे मूळपीठ आहे.   

mahayog-niwasi-sadhana-shibir

निवासी महायोग साधना शिबीर आणि साप्ताहिक सामुहिक साधना

श्री वासुदेव निवास मध्ये महिन्याच्या प्रत्येक चौथ्या शनिवारी आणि रविवारी निवासी महायोग साधना शिबिराचे आयोजन केले जाते. निवासी साधना शिबिराला येऊ इच्छिणाऱ्या पुण्याबाहेरील साधकांसाठी निवास आणि भोजनाची निशुल्क सुविधा श्री वासुदेव निवास मध्ये उपलब्ध आहे. 

नित्यसेवा ऑनलाइन बुकिंग सुविधा

श्रीवासुदेव निवास मध्ये  सुरु असलेल्या विविध सेवा, अन्नदान, विशेषसेवा यांचे योगदान देण्यासाठी ऑनलाइन बुकिंग आणि पेमेंटची सुविधा उपलब्ध आहे.

tembe-swami-round

आपले प्रश्न, आपल्या समस्या श्रीस्वामी महाराजांना सांगा

वैयक्तिक, प्रापंचिक समस्यांनी ग्रस्त असलेल्या भक्तांना मार्गदर्शन करणारी प. प. श्रीवासुदेवानंद सरस्वती टेंबे स्वामी महाराजकृत प्रश्नावली पाहा. 

श्रीवासुदेव निवासची प्रकाशने

श्री वासुदेव निवास प्रकाशन गेल्या पन्नासहून अधिक वर्षांपासून कार्यरत आहे. या काळात प. प. श्री वासुदेवानंद सरस्वती टेंबे स्वामी महाराजांची समग्र ग्रंथसंपदा तसेच महायोग साधना, उपासना, भक्ती, वेदांत  या विषयांवरील विविध ग्रंथ श्रीवासुदेव निवासने प्रकाशित केले आहेत. ना नफा तत्वावर अत्यंत माफक शुल्कात ते उपलब्ध आहेत.   

SMS व्दारे सूचना, निमंत्रणे प्राप्त करा

श्रीवासुदेव निवास मध्ये संपन्न होणाऱ्या तसेच आपल्या शहरात आयोजित होणाऱ्या कार्यक्रमांचे निरोप SMS व्दारे प्राप्त करा
महत्वाचे

समग्र ग्रंथसंपदा मोफत डाउनलोड करा

प.प. श्री वासुदेवानंद सरस्वती टेंबे स्वामी महाराज विरचित समग्र ग्रंथसंपदा PDF प्रकारात मोफत डाउनलोड करा

श्री वासुदेव निवास त्रैमासिक

गेली चाळीस वर्षे प्रकाशित होत असलेल्या श्रीवासुदेव निवास त्रैमासिकाची दशवार्षिक सदस्यता केवळ एक हजार रुपयात